نكت لــن تعجبكم

،، بسمـ الله الرحمــن الرحيــــم ،،

،، السلام عليــــكم و رحمة الله تعالى و بركاتـه ،،

و الصـلاة و السـلام علـى أشـرف الأنبيــاء و المـرسلـين

أمــا بعــد ،،



نــكت حامضــة



شفار بغى يتوب


واحد الشفار بغى يتوب وهو يسرق جوج سيديات ديال القرآن



البزق
هدا واحد الراجل كان غادي ف الطريق وهو يبزق عليه واحد الطير
شاف البزق و قال: حمدتك يا ربي مني ما عطيتيش للبقر الجناو



الضحك ديال الميكانيكي
واحد ميكانيكي بغا يضحك مع مرتو، ناض قرصها بالبانس
واحد الميكانيسيا شرا فراش جديد رقد تحتو



مؤدب بزاف
هادا واحد مؤدب بزاف. مللي كيبغي يحل التلاجة كيدق هو اللول



أذان المغرب
واحد هبيل صايم واتصل ببرنامج الإهداءات قال ليهم: بغيت مقطع من أذان المغرب



زعما يكون مات؟
هادا
واحد الطير خرج ف الجاج ديال واحد الطوموبيل. مول الطوموبيل داه للدار
ودارو ف قفص. ملي فاق الطير لقى راسو محبوس ف القفص وهو يقول: أواه! زعما
يكون الراجل مات؟



دجاجة انتحرت
واحد الدجاجة انتحرت و كتبات ف الوصية ديالها: إيوا شبعوا بضامة البنة



بغيتي ديالي؟
هادا واحد نشر إعلان: بغيت مرا نتزوج بيها
الغد ليه وصلوه مية جواب: بغيتي ديالي؟



انتهت مدة الصلاحية
هادا واحد طويل بزااااف شرب كاس ديال الحليب ومات. جاو يشوفوا لقاو الحليب ما جا يوصل للمعدة حتى انتهت مدة الصلاحية



المكلخين والكرافاتة