بريوات مالحين +الورقة ديال البسطيلة

بريوات مالحين +الورقة ديال البسطيلة






جبت ليكم البريوات مالحين و بطبيعت الحال ماشي هدا هو المهم
المهم هو الورقة ديال البسطيلة باش كيتساوبو
اليو جبت ليكم القادير و الطريقة

دابا نبداو بالمقادير و الطريقة ديال الورقة:

كناخدوا 100غ ديال الدقيق الجيد +كاس ديال العنبة ماء + قبصة ملح
و القليل جدا من الزيت
كنديروا كلشي فالخلاط و نضربوهم مزيان
وكنحصلو على هاد العجين

من بعد كنبداو عملية الطهي الي كنحتاجوا فيها لمقلة ديال الطيفال +شيتة بحال ديال السباغة
ولكن هي خاصة بالمطبخ +ايناء به ماء

دابا غنبداو بالطهي بطريقة حمام مريم بحيث أننا غنوضعوا الطيفال فوق الايناء ديالنا
الي غيكون فوق النار و فيه الماء الساخن بطبيعت الحال
و نبداو نديروا الشيتة فالعجين و نشيتوا بها الطيفال بلا مانخليو الفراغات
و بلا ما نخليو الورقة غليظة
دابا ندوزو للحشوة

مافيها باس نعاودو
عندنا فالحشوة الشعرية الصينية + كبيدات ديال الدجاج مسلوقين و مقطعين مربعات صغيرة +
قشرة الحامض المسير(المرقد) +القزبرو ضريسات ديال التوم مدقوقين + الكمون + الفلفلة حمرا
القليل جدا من الابزار + ملح

كنديرو القزبر المدقوقمع الثوم + التوابل و الكبدة فوق النار و تكون مهيلة
و بمجرد مايبداو يغليو كنضيفو الباقى و نخليوهوم يتشحروا

من بعد كنبداو نعمروا البريوات ديالنا بالطريقة المعروفة
غير كملاحظة بما أن
الطيفال كتكون صغيرة منين قنقطع الورقة على شكل مستطيل كندير 2 ديال المستطيلات
باش البريوا ديالنا تجي ملفوفة مزيان
من بعد ما طابت
وها هوها البريوات واجدين بلا ما تخرجوا من الدار باش تشريو الورقة
هههه
ملاحظة: هاد الكمية كتعطي 10 ديال الحبات يمكن ليكم تضاعفوا الكمية





الرجاء تسجيل الدخول لاضافة الوصفة الى المفضلة الخاصة بك ...