خيركم من تعلم القرأن وعلمة

بسم اللة الرحمن ارحيم



هَذَا الْقُرْآَنَ يَهْدِي لِلَّتِي
هِيَ أَقْوَمُ وَيُبَشِّرُ الْمُؤْمِنِينَ الَّذِينَ يَعْمَلُونَ
الصَّالِحَاتِ أَنَّ لَهُمْ أَجْرًا كَبِيرًا (9) وَأَنَّ الَّذِينَ لَا
يُؤْمِنُونَ بِالْآَخِرَةِ أَعْتَدْنَا لَهُمْ عَذَابًا أَلِيمًا (10)))
صدق الله العظيم



القرآن
(معجزة الاسلام , وحى الله الى عباده المؤمنين,منهج المسلمين ومصدر عزهم,حياة القلوب )


قال
رسول الله (صلى الله عليه وسلم): ((أبشروا فإن هذا القرآن طرفه بيد الله
وطرفه بأيديكم,فتمسكوا به فإنكم لن تهلكوا ولن تضلو بعده ابدا ))
صححه الألبانى فى صحيح الجامع رقم 34



من هذا المنطلق عملت الموضوع ده وبتمنى كلنا الناس تشارك فيه.
وهو تلاوة وحفظ كتاب الله تبارك وتعالى

الموضوع منقسم الى جزئين
الجزء الأول من الموضوع : تلاوة فقط


عبارة عن تلاوة يومية لجزء معين من القرآن الكريم
تنقسم إلى 3 مستويات :
الأول: تلاوة ربعين يوميا (حوالى 4 او خمس صفحات)
الوقت المطلوب : من 10 إلى 15 دقيقة .

الثانى: تلاوة حزب يوميا (حوالى 10 صفحات )
الوقت المطلوب : من 20 إلى 25 دقيقة .

الثالث: تلاوة جزء يوميا (حوالى 20 صفحة)
الوقت المطلوب : من 40 إلى 45 دقيقة .

أهم حاجه تجديد النية والمداومة.



الجزء الثانى من الموضوع وهو الجزء الأساسى
عبارة عن مشروع أو حملة لحفظ القرآن


الفكرة ببساطة ومن غير رغى كتير
اننا هنتفق على جزء معين ناخده كل اسبوع ,نحفظه
ونتابع بعض فيه


الطريقة هتكون كالتالى:


1- هناخد ربع كل اسبوع (حوالى صفحتين)
الربع ده بياخد وقت حوالى خمس دقائق عشان نقرأه
يعنى حفظه مش هياخد اكتر من ساعة فى الأسبوع .

2-هنزل الآيات مكتوبة ,وتلاوات للآيات بصوت قراء زى مشارى او عبد الباسط او العجمى.

3- تفسير مبسط للآيات عشان نبئا فاهمين اللى هنحفظه ويكون الحفظ سهل علينا .

4-هنتفق على يوم كلنا ندخل فيه على الموضوع عشان نتابع ونشوف مين حفظ ومين مش حفظ

5- بالنسبة لتسميع الآيات فيإما كل واحد يسمع بمعرفته(يعنى لحد من اخواته او اصحابه
او والده أو والدته).بس لازم يقولنا سمع ولا لاء ونتيجة تسميعه ايه.
يإما هنسمع هنا بمعنى ان اى حد من الشباب عايز يسمع الآيات فانا ممكن اسمعله
سواء فى الكلية او على الايميل
والبنات فأرجو ان د.فريشى او د.مسلمة يتطوعوا للمهمة دى
ويتولوا التسميع للبنات .

6- هنبدأ ان شاء الله من جزء عم عشان الآيات سهلة فى القراءة والحفظ .


بعض الأهداف والنوايا للموضوع:

1-أن نكون من أهل الله وخاصته

((إن لله أهلين من الناس . قالوا : يا رسول الله من هم ؟ قال : هم أهل القرآن , أهل الله وخاصته))حديث صحيح.



2-رضا الله تعالى.

3-اتباع النبى(صلى الله عليه وسلم).



4-أن نكون من خير الناس وأفضلهم
((خيركم أو أفضلكم : من تعلم القرآن وعلمه))حديث صحيح.

5-أن نكون مع السفرة الكرام البررة
((الماهر
بالقرآن مع السفرة الكرام البررة . والذي يقرأ القرآن ويتتعتع فيه ، وهو
عليه شاق ، له أجران . وفي رواية : والذي يقرأ وهو يشتد عليه له
أجران))حديث صحيح.



6-الاجتماع على طاعة الله تعالى

7-فهم القرآن الكريم لتطبيقه فى حياتنا كواقع ومنهج حياة .

8-أن يكون القرآن شفيعا لنا يوم القيامة.

9-ملايين الحسنات
فبكل حرف تقرأه حسنة والحسنة بعشر امثالها إلى سبعمائة ضعف.

10-ألا نكون ممن قال عنهم القرآن((وقال الرسول يارب إن قومى اتخذوا هذا القرآن مهجورا))

11-تربية النفس على مراد الله لمشاركة فى نهضة المسلمين
فأساس النهضة مسلمون يملأ القرآن قلوبهم.

12-التقرب الى الله تعالى بتلاوة وحفظ كتابه.


13-استغلال وقت الفراغ
((نعمتان مغبون فيهما كثير من الناس : الصحة والفراغ))حديث صحيح.
((اغتنم خمسا قبل خمس : حياتك قبل موتك ، و صحتك قبل سقمك ، و فراغك قبل شغلك ، و شبابك قبل هرمك ، و غناك قبل فقرك ))حديث صحيح.

14-نشر روح الأخوة والود بيننا .

15-اصلاح النفوس
قال تعالى(( إن هذا القرآن يهدى للتى هى أقوم ))

16-الاقتداء بالصحابة
حيث كان احدهم يقول للآخر (هيا بنا نؤمن ساعة)).

17 فهم الواقع وما يحدث حولنا من خلال الامنظور الاسلامى الربانى
قال تعالى((لقد أنزلنا إليكم كتابا فيه ذكركم أفلا تعقلون )).



أكيد فى نوايا كتير واهداف كتير تانية
بس دى اللى جت فى دماغى حاليا .


ياريت اى حد يقرأ الموضوع يشارك معانا ويجدد نيته
وياريت كمان لو حابب يضيف حاجه او معترض على حاجه او عنده فكرة او عايز يسأل عن اى حاجه فى الموضوع يتفضل .

عايزين همة عالية وعايزين مداومة واستمرار
عشان ان شاء الله لما نتخرج من الكلية يكون معانا شهادة الكلية
ونكون كمان حافظين القرآن وفاهمينه .
الموضوع ان شاء الله مستمر على طول دراسة وأجازة (ممكن بس نوقفه شوية فترات الامتحانات)

الموضوع مطروح للنقاش لمدة يومين وهنبدا بداية فعلية ان شاء الله يوم السبت
ومعلش الموضوع اتأخر شوية بس النت كان فاصل.

كل واحد ناوى يشارك ان شاء الله يكتب اسمه وهيشارك فى مشروع التلاوة بس ولا الحفظ بس ولا الاتنين.
وان شاء الله الناس اللى هتبدأ معانا حفظ
هنزل طرق لتسهيل وتثبيت الحفظ.
بصراحة انا عندى كلام كتير اوى فى الموضوع ده بس مش عايز ازود عن كدا عشان الناس مش تمل .
مستنى رأيكم ,ارجو ان الفكرة تعجبكم ونبدأ فيها كلنا .

جزاكم الله خيرا


--------------------

((وتوبوا إلى الله جميعاً أيّه المؤمنون لعلكم تفلحون ))