كوكيز ساااااهل

كوكيز ساااااهل






السلام عليكم
البنات انا اليوم جبت واحد الوصفة ديال كوكيز ساااااااهل او ولد خالتي الصغير عجبوه بزااااااااف او قالية بحال ديال الزنقة
المهم المقادير
كاس زيت
نصف رابعة ديال الزبدة ماركارين مدوبة
كاس سنيدة
خمارة
بيضة
شكلاط 3 و لا 4 دراهم اللي بغيتو
الدقيق حسب الخليط انا درت 4 و لا 5 كيسان فورص
نخلطو المقادير مزيان او من بعد نسرحو العجينة بالمدلك اه نسيت نقطعو
الشكلاط طراف صغار او نخلطوهم مع العجينة ايوا المهم نضربو العجينة بالمدلك
غادي يجي مقاد على حساب الشكلاط او من بعد
جيبي شي حاجة مدورة على قد كوكيز انا استعملت بوق ديال الحلوةقطعي بيه او
حطي في لاطة مدهونة بالزيت صافي او مني تسالي دخليها للفران او خليهم حتى
يتحمرو او جبديهم او خليهم حتى يبردو او بالصحة و الراحة
ايلا عندكم شي استفسار انا في الخدمة او دعيو معايا الله يرحم الوالدين ربي ينولني اللي فبالي او يجعل لية فيه الخير
اه نسيت عندي واحد الوصفة ديال الgرص زوينيييييين او ساهلين بزاف ايلا بغيتوها انا في الخدمة
السلام عليكم




الرجاء تسجيل الدخول لاضافة الوصفة الى المفضلة الخاصة بك ...