روايال شوكولا

روايال شوكولا








المقادير:
1 جينواز الغنية عن التعريف درتها بزوج بيضات و 60 غرام دقيق و 60 غرام
سنيدة و شوية خميرة الحلوة كطلعي البيض مع السكر و كتغربلي الدقيق مع
لخميرة وتزيديهم علر البيض العملية ديال التغربيل كتسهل تخلاط الدقيق و
البيض بلا ما يتكور
مقادير لاموس لهيا الطبقة الأولى:نحتاجو شنتيي لمتوفر عندك سواء هادا ديتل
البكية أو الكريم فريش عاد طلعيها،200 غرام سنيدة و 4أو5 معالق ديال الماء
والشكلاط نتي و الماركة لكتعجبك بين 150 حتى ل 200 غرام،أنا زدت واحد
الورقة و نص ديال الجيلاتين باش تكون شادة راسها مزيان لمبغاتش تزيدها
متزيدهاش

الطريقة: كنطلعو الشنتيي و ندوبو الشكلاط،،كنديرو السنيدة زائد الما
فكسرونة و نخلوهم حتى يدوب السكر و يبدا يغلى نديرو صفر البيض فشي إناء
ونبداو نضربوه و حنى كنزيدو السيرو شوية بشوية وملي نكملوه نبقاو نضربو حتى
يبرد الخليط

لبغات تزيد الجيلاتين كتاخد شوية القهوة و ديرها فوق البوطة ملي تسخن تزيد
فيها الجيلاتين لتكون مفزكاه فالما بارد وزيديه علا الشكلاط سخون ،ونخلطو
كلشي

قبل مديري المطاج فالمول لكيتحل صيبي واحد الكرطونة على قد المول من الداخل و غلفيها بالبابيي ألمنيوم

كتحطي الكرطونة وكتحطي فوقها الجينواز و كتكبي لاموس ودخليها لفريكو حتى
تشد راسها مزيان ومن الأحسن تبات فيه(كريه ليها ديك الليلة ما كاين باس )

نجيو دابا للكلاصاج الفوقاني سمحو ليا مصورتش المقادير،فيه100غرام كريم
فريش 90 غرام سنيدة 12 سنتلتر ماء 50غرام بودرة الكاكاو و ورقة ونص ديال
الجيلاتين كنديرو كلشي فوق البوطة و نخليوه يغلى مزيان ويتقال عاد نزيدو
الجيلاتين و نخلوه يدفا شويا غطيوه بالفيلم ألمنتير ويكون ملاصق مع السطح
ديالو باش ميديرش القشرة أنا غطيت الزلافة غير من الفوق و دار شوية القشرة
داكشي علاش ماجانيش مقاد 100/100
ملي تجبدي الحلوة من الفريكو خليها شوية عاد حيدي المول غير بالشوية وهزيها
بالكرطونة ديالها و حصيها فوق شي شبكة و خوي الكلاصاج وغطي جميع الجوانب و
زوقيها على حساب الدوق ديالك و بالصحة و الراحة،ويلا بغيتي تجيك الطبقة
ديال لاموس كبر ضوبلي المقادير



الرجاء تسجيل الدخول لاضافة الوصفة الى المفضلة الخاصة بك ...