نكت مغربية

-هادا واحد حول بغا يدبح دجاجة و هو يقطع صبعو. الدجاجة حتى هي حولة غير شافت الدم و هي تبدا تركل

2-واحد ميكانيكي بغا يضحك مع مرتو، ناض قرصها بالبانس

3-هادا واحد نشر إعلان: بغيت مرا نتزوج بيها الغد ليه وصلوه مية جواب: بغيتي ديالي؟

3-هادي واحد المرا شارفة ناضت ليها تولالة ف الجبة ديالها، و هي تفرح، يسحابها واش حب الشباب

4-هادا واحد ناضت ليه السوسة ف واحد الضرسة، و هو يمشي عند الطبيب ديال السنان قال ليه :حيد هاد السنان كاملين، خليها بوحدها كي الكلبة

5-دبانة طاحت فكاس ديال الشراب. خرجات منه كتقول: حييييدوا من طريق النسر

6-هادا واحد الطير خرج ف الجاج ديال واحد الطوموبيل. مول الطوموبيل داه للدار ودارو ف قفص. ملي فاق الطير لقى راسو محبوس ف القفص وهو يقول: أواه! زعما يكون الراجل مات؟

7-هادا واحد قال لمرته: انتي حمامة قالت له: لا، أنا غزالة قال لها: واخا. المهم حيوانة

8-هادا واحد مسموم مشى لواحد الجنازة و بدا يبكي يبكي يبكي. سولوه الناس: واش كتعرف هادا اللي مات؟ قال ليهم: لا، و لكن سمعت بأن البكا كيعدب الميت

9-هادا واحد مسيفط ختو تشوف ليه النتائج ديال الامتحانات. اتفق معاها تقول ليه ف التلفون إيلا سقط ف مادة وحدة: سلم عليك محمد. إيلا سقت ف جوج مواد: سلموا عليك محمد و محمد. إلخ المهم مشات البنت تشوف النتائج وعيط ليها خوها، قال ليها: أ من درا؟ قالت ليه ختو: سلمت عليك أمة محمد كلها

10-هادا واحد المعلم رسم سباط ف السبورة وسول واحد التلميد: أشنو هادا؟ قال ليه الولد: هباط سلخو المعلم مزيان وقال ليه: لا هادا سميتو سباط الغد ليه عاود المعلم رسم سباط وسول نفس التلميد: أشنو هادا؟ عاود قال ليه الولد: هباط عاود معاه المعلم نفس السيناريو شحال من مرة ولا بغى الولد يحفض هاديك سباط. المعلم طلع ليه الدم، وقال ليه: صافي جيب ليا ولي أمرك منين جات أم الولد، قال ليها المعلم: شوفي أ لالة، راني عييت مع ولدك... ديما كنرسم ليه هادا وكيقول ليه هباط بقات المرا تفكر شوية وهي تقول ليه: إيوا أشنو بغيتيه يقول ليك؟ هبرديلة؟