جرى ايه ياحبايبي
انتو بتتكلموا جد ولا تهزروا
الراجل لو عملتي روحك عشره هيدور على الست الحداشر
طبعا مش كل الرجاله
وليه مطلوب من الست بتبقه بهلوان
ليه محدش يسأل الراجل يبقه شقلبان
ياحبايبي الراجل راجل والست ست
فيه رجاله تجوزوا واحده بس ومابقوش يبصبصوا على تانيه
وفيه تجوزوا اربعه وعينهم تبقه عالرايحه والجايه
يعني كل المسئله تربيه واخلاق وبس
والست
لو كانت عايزه تعيش سعيده تسعد جوزها وترضي ربنا فيه وماتقولش غير الي
يرضي ربنا لأنه لو كان الراجل حيطه ومابيسمعش ربنا بيسمع وبيشوف ويجازي
في كل الأحوال ماتبقيش بقره قدامه وهانم بره البيت
شاركيه هواياته وكوني صاحبته اشربي كباية الشاي معاه اتناقشي معاه فاي موضوع
كتاب تقروه مع بعض ولا فيلم شفتوه مع بعض
ماتخبيش عليه سر وماتسدقيش انه اهبل وحاسبي ان عندك قط يشم الريحه من بعيد ويعمل روحه مش مهتم
ماتحاوليش سحب سر منه لأنه هيتقلب تعبان ياكلك انتي وسعادتك
وماتنسيش بيني وبينك الراجل له حق فأكتر من واحده ويقدر يسعد أكتر من واحده
لكن وغلاوتك عندي هبقه معاكي واقول الزواج التاني غلط
الزواج التاني غلط غلط غلط
وبيني وبينك هو مش غلط
كل المشكله ان دماغي ودماغك صغير حبتين وانا وانتي نعرف المشكله وعاملين مش عارفين
وماتزعلوش مني لأني بحبكم جميعا
ربنا يخلي الأولى هي وبس وماتبقىلهاش ضره
ربنا يخلي الضراير لو كانوا اتنين زي الخوات وماتجيش تالته تفرق بينهم
ربنا مايجيبش رابعه او كانت الضراير تلاته
ربنا يخلي الأربعه أربعه وبس لأنه لو كانت في السكه خامسه تبقه تطربقت علينا كلنا
وهنبقه كأننا زباله
حبايبي
ماتزعلوش ربنا وماتزعلوش البيه تاكلوا شهد
ومع السلامه
الرئيسية 
أحدث الصور 
التسجيل 
دخول 
