Khâlîd Âô
.::المدير العام::.
 |  موضوع: نكت 100% مغربية لمـــــوت ديـال الضحـك الثلاثاء يونيو 26, 2012 3:57 pm | |
|
نكت 100% مغربية لمـــــوت ديـال الضحـك
1- هـادا واحـد تـابع وحـدة ، وبدا عليها: ما نشوفوكش أزين، حنا عندنا الديور، وعندنا المحلات، وعندنا الطوموبيلات...
دارت البنت وغير بانت ليه خايبة، وهو يقول ليها: ولكن خسارة، بعنـا كلـشي
2- واحد مشى عند مول الشفنج، قال ليه: عطيني كيلو ديال الشفنج.
كلاه وما شبعش، قال ليه: زيد نص كيلــو.
كلاه وما شبعش، قال ليه: زيد رابعة.
كلاه وهو يشبع، وقال تفوووووووو من اللول كنت ناخد رابعــة.
3- هادا واحد الراجل كان غادي ف الصحرا، راكب حمار ومعاه كلب
وهوما ف الطريق، هدر الحمار وقال للراجل: واش مازال الطريق بعيدة؟
الراجل تصدم وشداتو الخلعة، أو! حمار كيهدر؟ هي مسكون!
ناض الراجل يجري يجري يجري يجري وتابعو كلبو
ملي عيى وهو يوقف.
وتما قال ليه الكلب: وايني خلعة خلعنـا هاداك الحمار
4- واحد الشيباني قال لصاحبو: في أيامات الشباب، كانوا العيـالات يجريو يتبعـوني
قال ليه صاحبو: ودابا؟
قال ليه الشيباني: لا دابا صافي، عفى عليا الله من الشفرة ديال الســيكان
5- واحد السيد ديما كتعايرو مرتو: الناس كاع مشـاو للطاليان، ونتا باقي هنا
هو يقول ليها: شوفي، أنا غادي نجلس فالدار واحد الشهر، واللـي يسولك علي، قولي ليه مشى للطاليان
قالت ليه واخا
اللي يسولها كتقول ليه راجلي مشا للطاليان
واحد النهار، سمع ولدو ضربو شي واحد ف الزنقة
هو يطل من الشرجم، وقال ليه: واخا عليك حتى نرجع من الطاليان ونوريك | |
|
الرئيسية 
أحدث الصور 
التسجيل 
دخول 
