طارط بالفواكه ولاكريم شانتيي
اليوم جبت ليكم طارط بالفواكه ولاكريم شانتيي
نبداو بمقاديرو طريقة الجينواز
5 البيضات
200غرام سكر
300 غرام الطحين
1 خميرة
كاس صغير ماء دافئ
كاس صغير الزيت
2 معالق كبار بودر كاكاو
كنفصلو البيض والصفار ديال البيض كنخدو الصفر نديروه فالعجانة ونضربوه مع
150 غرام ديال السكر ونزيدو عليه الماء والزيت ونضربوه مزيان ثم نزيدو
الطحين والخميرة ونزيدو البودر كاكاوونخلطوه كتاخدو البيض ونزيدو عليه 50
غرام ديال السكر للي بقات ونطلعوه حتى يشد مزيان ونزيدوه على الخليط الاول
ونخلطو غير بشوية كناخدو المول للي بغينا انا استعملت لي بلاك ولكن يمكن
لينا نستعملو المول داير كندهنوه مزيان و نخويو فيه الخليط وندخلوه للفران
للي نكونو سخناه من قبل اما نحلوش عليها حتى تطلع مزيان نخليوها تطيب
ونحيدوها مللي تبرد كنحيدوها من المول ونخليوها تبرد عاد نقطعوها على 2 او 3
مالوسط
مقادير الكلاصاج ولاكريم والسيرو
مقادير الكلاصاج
نصف ليتر كريم فريش
100 غرام سنيدة
200 غرام الشكلاط بيضة
50 غرام كلوكوز
50 غرام النباج ابيض
7 اوراق الجيلاتين
الطريقة كناخدو كاسرولة كنديرو فيها لاكريم والسكر والشكلاط و النباج
والكلوكوز ااو نحطوها فوق العافية ونبقاو نقلبوه حتى يدوبو المقادير كلهم
نخليوه على عافية مهيلة كناحدو الجيلاتين كنديروه فالماء حتى يرطاب ونعصروه
مالماء ونزيدوه على الخليط للي عندنا ونبقاو نحركوه حتى يدوب الجيلاتين
ويشد كنحيدوه ونخليوه يبرد
مقادير السيرو
600 غرام السكر
ليتر ماء
لاروم للي بغينا الفريز او البرتقال او للي بغينا
كنديرو السكر والماء على العافية حتى يغليو مزيان كنحيدوه ونخليوه يبرد عاد كنزيدو عليه لاروم
بالنسبة الكريم غادي نحتاجو
1 ليترو لاكريم فريش
200 غرام السكر
معلقة صغيرة فاني بودر
كنطلعو الكريم مع السكر والفاني
هاهو السيرو ديالنا وجد
كنوجدو البيسكوي ديالنا
كنسقيوه بالسيرو مزيان
نديرو لاكريم اما نساوش الجناب ديال المول
كنقطعو الفواكه للي غنستعملو انا اختاريت الخوخ والاجاص
الكلاصاج كنزيدو عليه 2 معالق كبار ديل لاروم ديال البرتقال كيعطينا اللون البرتقالي
ونزوقوه بالكلاصاج للي زدنا عليه لاروم بيستش كيعطينا اللون الاخضر
و نزيدو عليه شوية من الكلاصاج للي زدنا عليه الشكلاط مدوبة بحال للي خدمنا بيه لا طارط ديال الكركاع
كناخدو الاجاص كنقطعوه بهاد الشكل ونحرقوه بالشاليمو ونزوقوبيه بهاد الطريقة
ونكملو التزيين بلاكريم شانتيي
الرجاء تسجيل الدخول لاضافة الوصفة الى المفضلة الخاصة بك ...
الرئيسية 
أحدث الصور 
التسجيل 
دخول 
