طورطة بالفواكه

طورطة بالفواكه






طورطة بالفواكه



مقادير العجين المرمل:
200غ من الدقيق 100غ الزبدة نقطعوها قطع صغيرة 1صفار بيضة 2 معالق كبار سكر سنيدة نصف كأس صغير من الماء البارد قبصة الملح
رأس معلقة صغيرة ديال خميرة الحلوى.

نخلط الدقيق مع السكر و الملح و الخميرة ثم نضيف قطع الزبدة و نخدموها
برؤوس الأصابع بلا ما نحاولو ندلكوها عاد نضيفو صفار البيض باش نجمعوها الى
ما تجمعاتش نضيف الماء غير القياس و بلا ما ندلكوها غير تجمع ندخلها
للثلاجة واحد 15 دقيقة.
نخرجها نطلقوها بالمدلك و نديرها في المول يكون مدهون بالزبدة و مرشوش بالدقيق ثم نتكوها بالفورشيط و ندخلها للفرن .
للتزيين غنحتاجو لاكريم باتيسيير هاديك كتباع في الباكية كنديرو منها
جهد 2 معالق كبار عامرين و نزيدو عليها 4 معالق ديار السكر سنيدة و نذوبو
هادشي في نصف لتر من الحليب و نديروه يغلى فوق العافية مع التحريك حتى
يعقاد الخليط...نكونو خرجنا العجين من الفرن و نحشيوها بالكريم باتيسيير و
نزينوها بقطع الفواكه أنا درت الخوخ المعلب و الكيوي و دهنتها بالناباج باش
تعطي اللمعان و ندخلها للثلاجة تبرد و بالصحة و الراحة.